David McAllister: Shqipëria i ka përmbushur kushtet për anëtarësim, të hapen negociatat

Kryetari i Komitetit të jashtëm të PE, David McAllister, në një konferencë për mediat ka deklaruar se duhet të hapen negociatat për Shqipërinë dhe Maqedoninë e Veriut, pasi dyja vendet kanë plotësuar kushtet.

“Kemi pasur disa takime, me Metën, Ramën dhe Jorida Tabukun e cila është edhe kryetarja e komisionit për integrimin në BE. Shqipëria është një anëtarë e vlefshme e familje sonë Europaine dhe një aleat që ka kryer një rol kyç për çështjen e sigurisë së Europën. Gjatë takimeve tona me politikëbërës dhe shoqëri civile kemi dhënë këto mesazhe: BE s’ka kohë për të humbur për çeljen e negociatave me Shqipërinë dhe Maqedoninë e Veriut sepse të dy vendet kanë përmbushur kushtet. Shqipëria nuk ka kohë për të humbur për të vijuar reformat në të mirë të qytetarëve. Duhet bashkëpunim konstruktiv politik dhe konkurrencë, zgjedhje me garë të plotë. Palët politike të angazhohen në mënyrë konstruktive. Shqipëria ka arritur progres të konsiderueshëm në Reformën në Drejtësi dhe kjo duhet të sjellë funksionalitet të plotë të drejtësisë”, tha ai.

Më tej ai ka sqaruar se nisja e negociatave është vetëm fillimi, dhe se puna e vërtetë nis pas këtij hapi.