Deputetët e PS i ankohen Ramës për ministrat: Janë bërë si pronarë

Në mbledhjen e Grupit të Partisë Socialiste kanë shpërthyer debatet menjëherë pasi prej aty është larguar kryeministri Edi Rama. Deputetët kanë pasur ankesa për marrëdhëniet me ministrat e kabinetit. Ata mësohet të kenë thënë se ministrat janë bërë si pronarë firmash.

Sipas deputetëve, ministrat nuk u përgjigjen për shqetësimet që kanë në zonat e tyre dhe për probleme konkrete të banorëve.

Gjatë mandatit të parë, deputetët e PS ankoheshin rregullisht për ministrat e LSI. Ndërkohë tani, ankesat kanë nisur që muajt e parë për ministrat e PS.

Ankesat janë artikuluar nga deputetët Vullnet Sinaj, Mimi Kodheli, Xhemal Qefalia dhe Pjerin Ndreu.

Deputeti Ndreu është shprehur se sipas tij ministrat nuk iu përgjigjen për shqetësimet që kanë.

Ndër të tjera ai tha se “Janë bërë si pronarë firmash. Nuk komunikojnë normalisht për çështje të ligjshme”