Deputeti i PS shpërthen ndaj qeverisë “Rama”: Harruat kush ju solli në pushtet

Pak orë pas Asamblesë së Partisë Socialiste ku u diskutua mbi arritjet e qeverisë ‘Rama2’ për 100 ditët e para të qeverisjes, vjen një reagim i ashpër nga brenda selisë rozë. Ka qenë deputeti i PS-së për qarkun e Lezhës, Pjerin Ndreu, i cili me një postim në faqen e tij të ‘Facebok’-ut thekson se arritja më e madhe ishte ruajtja e tepsisë.

Mes të tjerash ai sulmon disa qeveritarë, pa përmendur emra, se këta të fundit sipas tij kanë harruar se kush i solli në pushtet.

“Arritja me e madhe e 100 diteve te qeverisjes eshte ruajtja e tepsise ! Ca qeveritaru-ce kan harru se kush i ka sjelle e mban ne pushtet ! Gezuar Baftjar !”, shkruan Ndreu. Nuk dihet saktësisht për cilën ministre apo ministra e ka patur fjalën deputeti lezhjan Pjerin Ndreu, por dihet se përmendja e “tepsisë” shkon kundër oreksit të kryeministrit Rama, i cili për atë tepsi bëri gjithçka dhe e mori  me të gjitha mjetet.

T’i përmendësh tepsinë apo të synosh t’ia prekësh tepsinë mund të përfundosh shumë keq në PS. E provoi Ben Blushi dhe Koço Kokëdhima, por i bëri copash Edi Rama.

Ndaj kujdes Pjerin Ndreu! Nëse don të përfundosh keq politikisht jepi punës së tepsisë.