Deputetja e LSI, Mehmetaj: Ministrat e Ramës duhej të ishin në burg

Deputetja e LSI-së, Kejdi Mehmetaj ka akuzuar kryeministrin Edi Rama, se ka uzurpuar të gjitha institucionet dhe po bën gjyqe politike për të ruajtur karrigen e tij.

Me anë të një postimi në Facebook, Mehmetaj shkruan se nuk duhet të rrijë në burg ish-drejtori i ARRSH-së, Dashamir Xhika, por ministrat dhe ish-ministrat e Ramës.

Ja postimi i Mehmetajt:

Frika që ka kapur Edi Ramën po nxjerr në shesh uzurpimin që i ka bërë institucioneve të drejtësisë.

Asgjë që KM po bën nuk do e ndalojë popullin të tërhiqet nga rruga që ka nisur për ta hequr atë nga karrigia që po mban peng.

Gjyqet politike që ka nisur nuk i mbulojnë dot dosjet që po lë në heshtje prokuroria e kapur.

Tahiri, Gjiknuri, Beqja, të tjerë ministra dhe Rama vet do duhej të ishin sot mbas hekurave.

As arrestimet në mes të natës, as urdhri i prerë që ditën e diel të vazhdoheshin sulmet politike, nuk fshehin dot zullumet e kësaj qeverie të cilës gjella e tepsisë u është djegur e tymi është shpërndarë gjithandej.

Zoti. Xhika do e provojë pafajësinë e tij përballë drejtësisë, po ju o peshqit e mëdhenj çdo ju mbetet përpara popullit !?