Deputetja e LSI: Rama gëlltiti çorbën e krimit, tani vjell mbi Policinë

Shkrirja e Policisë së Elbasanit, aty ku drejtuesit kryesorë u hoqën nga detyra, ka nxitur një debat politik. Deputetja e LSI-së, Kejdi Mehmetaj, në një postim në facebook, ka shprehur se pasi Kryeministri gëlltiti çorbën e krimit, tani vjell mbi policinë. Më tej deputetja e LSI-së, ironizion duke pyetur se:”A ishte kjo Policia që duam? Apo dhe nëse Tahiri ishte ministri më i suksesshëm?

”Ky nuk është Kryeministër, është turpi i Shqipërisë! Pasi gëlltiti çorbën e prishur të krimit, tani vjell mbi policinë e shtetit. A nuk ishte kjo “Policia që duam”? A nuk ishte Tahiri ministri më i suksesshëm i Ramës?”,-shkruan Mehmetaj.

E rruga për të shpëtuar nga kjo, për deputeten është largimi i kumbarit. Ajo bën thirrje për të larguar krimin nga politika. ”Edi Rama është “Kumbari” i narkotrafikut në Shqipëri dhe nuk ka më asgjë që mund ta shpëtojë nga gjykimi popullor, as largimi nga detyra i shefave të policisë”.

Qytetarë, të rinj e të reja, burra e gra ky është momenti për të reaguar dhe shkulur me rrenjë krimin nga politika!