Duka, Ramës: Të të rrojë kosherja se bletët të kanë ikur

Kreu i Partisë Agrare Ambientaliste, Agron Duka ka reaguar ndaj deklaratave që Edi Rama bëri sot kundër tij.

“Udhëheqësi ynë shekullor ka filluar ndryshon dhe rrjedhën e shekujve. Të njëjtën gjë bëri edhe diktatori i Taxhikistanit disa vite më parë, ndryshoi kalendarin e vendit.

Diktatorët janë njësoj kudo, ndaj kanë të njëjtin “Happy End”. Ndoshta Rama beson se do të jetë udhëheqësi historik i shqiptarëve deri në shekullin e 25 pas erës tonë.

Për këtë raste dalldisjeje populli thotë: “T’i rrojë kosherja se bletët i kanë ikur”‼”,- shprehet Duka në një mesazh në rrjetet sociale.