Erisa Xhixho: Ndalimi i studentes, turp për shtetin dhe turp për ata që heshtin

Ndalimi i studentes, Ana Azizaj në mesnatë nga Policia e Tiranës, e dyshuar për parullën në pallatin ku banon ambasadori i OSBE ka sjellë reagime të forta. Nënkryetarja e LSI, Erisa Xhixho e cilëson turp për policinë dhe qeverinë aktin e paprecedentë të ndalimit të një femre në mesnatë.

Në një reagim në rrejtët sociale në orët e para të mëngjesit Xhixho shkruan se një akt i tillë është turp për zyrtarët që kanë dhënë urdhrin dhe për ndërkombëtarët.

Postimi i Erisa Xhixhos:

Turp per ju.

Shoqerohet ne mesnate ne polici nje studente e shkelqyer dhe qytetare e lire pasi krimin me te madh qe ka bere eshte te protestoje per te drejtat e saj kunder kesaj qeverie kriminale. Shoqerohet se ka shprehur lirisht mendimin e saj ndaj nje diplomati qe ben protagonistin qe nuk i takon ne vendin tone.

Turp i madh.

I bej thirrje atyre qe kane dhene kete urdher politik gjithashtu dhe drejtuesve policise te kene kujdes per cdo veprim, pasi pergjegjesia do te jete personale para drejtesise dhe qytetareve.

Nderkombetaret dhe veçanerisht ambasadorit te BE qe ne diten e Europes kishte lajkmotiv “Fuqine e Rinise” te reagoje ndaj ketij turpi te madh qe synon ti behet te rinjve per ti trembur apo intimiduar ata ne ushtrimin e te drejtave te tyre te sanksionuara ne kushtetute dhe konventa nderkombetare.

Askush nuk i mbyll dot gojen rinise .

Ana Azizaj eshte qytetare europiane me kurajo dhe guxim per te kerkuar te drejtat e saj, pa u kompleksuar nga askush ,por e bindur ne betejen e saj per liri dhe standarte europiane si bashkemoshataret e saj ne bote.

Asnje hap pas ne betejen tone.