Eurot në “Toyota”. Balla: Basha rrezikoi aksionin, të më bëhet gjyqi në sheshin “Skënderbej”

Një ditë pasi Policia e Shtetit, sqaroi rrugën se si erdhën makinat ”Toyata-t” me 3.4 mln euro të kapura në Portin e Durrësit, sot ka reaguar kreu i grupit parlamentar i PS-së, Taulant Balla pas akuzave nga PD-ja, se ai garantoi hyrjen e 3.4 mln eurove në Shqipëri

Në një prononcim për mediet, Balla mohoi kategorisht lidhjet, ku shtoi se Lulzim Basha ka lidhje me këtë grup kriminal. Më tej, deputeti i PS-së tha se nëse i provohet edhe një lidhje e vetme me personat e përfshirë jo vetëm që lë mandatin, por është i gatshëm t’i bëhet gjyqi në sheshin “Skënderbej”.

“Përgëzoj policinë që aksione të tilla të ketë sa më shumë. Duke falënderuar policinë sigurisht me sa jam njohur dhe nga deklarata e policisë kam kuptuar që një institucion ligjzbatues ka pasur rrjedhje informacioni tek një person i papërgjegjshëm, që është Lulzim Basha. Vuri në rrezik vijimin normal të aksionit. Por fatmirësisht këtë person nuk e marrin seriozisht as personat delinkuent. Që Taulant Balla nuk ka as një lidhje me ndonjërin prej këta ju garantoj me përgjegjësi penale. Jo mandatin e deputeti por jam gati të më bëhet edhe gjyqi në sheshin Skënderbej nëse me gjendet ndonjë lidhje me ta”, deklaroi Balla.

Më tej, deputeti socialist u shpreh se është Lulzim Basha ai që ka lidhje me personat e përfshirë në këtë çështje. “I them Bashës, që në fund të kësaj historie, ai i ka ca lidhje me personat e lidhur me këtë çështje, por nuk do i them sot, por të enjten”, tha Balla.

Në fund, Balla tha se Basha këtë herë nuk do ia hedhë paq