FOTO/ Rritja e çmimit të naftës, revolta popullore gati. Ja çfarë pritet të ndodhë nesër

Ndërkohë që taksat sa vijnë e rriten, kjo e hënë pritet të rikthejë bujshëm bashkimin popullor kundër kësaj padrejtësie. Referuar rritjes së çmimit të nafrës, por jo vetëm, ditën e sotme ka qarkulluar nëpër rrjetet sociale një poster, i cili i fton qytetarët të protestojnë ditën e nesërme.

Protesta nuk pritet të udhëhiqet nga ndonjë parti politike, por do të jetë thjesht në kuadrin e një bashkimi qytetar, për të shprehur indinjatën e tyre kundrejt projektligjit të qeverisë, që parashikon ngritjen me 20 lekë për litër të naftës.

“Ditë e hënë, datë 15 korrik, të gjithë drejtuesit e automjeteve të fikin automjetet e tyre në rrugë, rrethrrotullime dhe kryqëzime prej orës 12:00-15:00 në shenjë proteste për uljen e çmimit të naftës, minimumi në 150 lekë të reja për litër”, kjo është ajo çfarë shkruhet në një postim që është bërë viral në rrjetet sociale.