Goci: Ministrja Balluku të japë dorëheqjen, qytetarët të bllokojnë shërbimet

I pranishëm në protestën madhështore që po mbahet para Kryeministrisë kundër rritjes së çmimeve, përkatësisht të naftës dhe të produkteve bazë, pedagogu Evrin Goci ka kërkuar dorëheqjen e ministres së Infrastuktruës dhe Energjitikës, Belinda Balluku.

Një tjetër thirrje ai e pati edhe për qytearët që preken nga rritja e çmimeve, që të bllokojnë territorin e tyre dhe shërbimet që i ofrojnë shtetit. Ai thotë se në çdo moment të ditës po ju japim para oligarkëve.

”Ka përgjysmuar urbanët, që është anti-humane. Përveç se u ka hequr të drejtën për të lëvizur, i ka mbledhur si sardele në kohë pandemie. Unë kërkoj dorëheqjen e Ministres së Energjitikës, sepse dëmin e kam marrë në çdo sekondë që marrë frymë. Zgjidhja është bllokim total në të gjithë Shqipëri”.