Intervista e Ramës te Çani. Kryemadhi: Përballë Prokurorëve nuk do t’i shkruash vetë pyetjet

Kryetarja e LSI, Monika Kryemadhi ka reaguar për deklaratat që kreu i qeverisë, Edi Rama dha dje në emiionin “Zonë e Lirë” në televizionin “Klan”.

Kryemadhi thotë se dje Rama dha shfaqje e radhës duke u përgatitur për premierën para drejtësisë. Duke nënkuptuar se intervista e djeshme ishte e përgatitur, Kryemadhi shton se përballë Prokurorëve nuk do të mund t’i shkruajë vet pyetjet.

Postimi i Kryemadhit në Facebook:

Në përgatitje për premierën e shfaqjes së fundit, Edi Rama u shfaq mbrëmë në provën gjenerale të rolit të Lolos. Me pyetje dhe përgjigje të gatuara në kuzhinat e oligarkëve, klientëve të tij besnikë që të tillë kanë qenë pranë çdo kryeministri.

 Por me sytë e errur nga frika e provave që e implikojnë edhe atë në zullumet e bandave të trafikut harron që në përballjen finale nuk ja shkruan dot vetë pyetjet prokurorëve. Në atë përballje do të mbajë përgjegjësi vetëm për përgjigjet.