Koronavirusi kap Shkodrën, raste të reja nga kjo zonë

Nuk ndalon në Shkodër, koronavirusi. Raste të reja. Me sa duket kjo fundjavë dhe java e ardhshme do tregojnë se sa lart po rriten rastet me koronavirus në vend.

Shkodra po kthehet në një vatër të re ku përhapja e COVID-19 sa vjen e po rritet. Rastet e reja u përkasin rretheve familjare rë infektuara fillimisht.

Nga 20 testet e kryera një ditë me parë nga shendeti publik, 9 rezultuan me Covid-19. Epidemiologët po gjurmojnë kontaktet e këtyre pacienteve. 6 janë anëtarë të familjes së pacientit nga Dobraci dhe 3 të gruas nga Kirasi.

Në këtë mënyrë në shkallë qarku në Shkodër (Shkoder + Puke) numri i të infektuarve shkon në 35.

Dje zyrtarisht u raportua se numri i të infektuare në të gjithë Shqipërinë ishte 304 dhe 17 viktima.

Vetë Shefja e Departamentit të Sëmundjeve Infektive në ISHP, Silva Bino udhëtoi drejt Shkodrës per të inspektuar hetimin epidemiologjik.

Harta e të prekurve nga COVID-19 zgjerohet në Tiranë, Durrës, Fier, Kavajë, Lezhë, Mirditë dhe Shkodër.