KQZ regjistron koalicionin ”Shtëpia e Lirisë”, por nuk njeh Berishën

Në mbledhjen e sotme të Komisionit Qëndror të Zgjedhjeve, komisioniri Ilirjan Celibashi tha se koalicioni ”Shtëpia e Lirisë” ka legjitimet të plotë, duke rrëzuar pretendimet e PD-së. Por nga ana tjetër, KQZ-ja nuk ka pranuar që grupi i Rithimelimit të jetë pjesë e koalicionit, vetëm LSI dhe PDK.

”Konsiderojmë legjitime kërkesën në raport me afatin, këtë kërkesë që po e shqyrtojmë sot dhe në momentin që e kemi regjistruar, LSI figuron i regjistruar si subjekt zgjedhor. Mendoj se pretendimi i PD-së nuk ka bazë ligjore sepse po e shqyrtojmë akoma. Ndaj vlerësoj që kërkesa e subjektit të LSI e shqyrtuar sot për të regjistruar një koalicion një subjekt zgjedhor, në vlerësim tim ka legjitimitetin e plotë. Vendos të regjistroj kërkesën e koalicionit “Shtëpia e Lirisë””.

Në shyrtimin e e kërkesës së LSI-së për tu regjistruar në koalicion me PDK-në e Nard Ndokës dhe lëvizjen e Sali Berishës, Celibashi tha se simbolet e PD nuk mund të pranohen në këtë koalicion sepse cenohet interesi i një force tjetër politike. Në fund ai e regjistroi koalicionin ”Shtëpia e Lirisë” vetëm me LSI dhe Nard Ndokën. PD-ja kundërshtoi e para regjistirmin e koalicionit. Përfaqësuesi i PD-së në KQZ, Marash Logu, tha se kjo kërkesë nuk duhet pranuar për disa arsye.

Kandidatët kanë dalë, dhe nga dita në ditë pritet të nisi edhe fushata zyrtarisht, por një gjë është e sigurt, përleshje mund të ketë brenda PD-së, ku Sali Berisha bashkë me aleatët e koalicionit ”Shtëpia e Lirisë”, kërkojnë fitore në të gjashtë bashkitë. Fushata do të jetë e ”egër”, dhe nëse dy veta përleshen, një i tretë fiton dhe në këtë rast i treti është PS-ja. Nga tensionet dhe përleshja që pamë në selinë blu, sherri do të zhvendoset në terren.

Një tjetër pikë që mund të penalizojë PD e drejtuar nga Lulzim Basha, është se aleatët nuk janë pjesë e garës, dhe se ende nuk janë shprehur se kë kandidat do të mbështesin. Zhvillime të forta priten në ditën në vijim.