Kryemadhi: “27 janari”, fillimi i betejës që rrëzon Edi Ramën

Kryetarja e LSI-së, Monika Kryemadhi, dy ditë pas protestës së frontin opozitar përballë kryeministrisë, në një konferencë për shtyp, paralajmëroi se tubimet do të vijojnë deri në largimin e Ramës nga pushteti.

Nga selia e LSI, Kryemadhi falenderoi “punonjësit e Policisë që nuk u bënë pre e provokimeve; po ashtu dënoj ato segmente që tentuat të intimidonin protestuesit duke i mbajtur me orë të tëra në kthim”.

Nga ana tjetër, protesta e së shtunës, është përcjellë me jehonë të madhe në shtypin ndërkombëtar, duke e cilësuar si një ndër protestat më madhëshore që ka parë vendi në 27 vite demokraci.

Deklarata

Kjo protestë madhështore nuk ishte parë në 27 vite në bulevardin Dëshmorët e Kombit. Falenderoj të gjithë oganizorët.

Protesta e 27 janarit nuk është thjesht një parakalim para godinës ku gatuhet krimi, por për t’i treguar Edi Ramës se sapo ka filluar dhe se është beteja e gjithë popullit shqiptar kundër pabarazisë, mungesës së vendeve të punës, emigracionit, kundër kësaj klieke që pi varfëron.

Protesta e ditës së shtunës është fillimi sepse axhendën e opozitës tani e bëjnë shqiptarët dhe ata nuk do ndalen deri në largimin e tij.

Shqiptarët kanë vrarë frikës që Edi Rama instaloi duke blerë votën me paratë e drogës. Ata kuptuan se e keqja më e madhe e një vendi është Edi Rama dhe krimi i organizuar.

https://www.facebook.com/KryemadhiMonika/videos/1511882152257855/?notif_id=1517225435590558&notif_t=live_video