LSI vlerëson aksionin e Policisë. Rama: Suksese në zbatimin e ligjit

Deputetët të PS-së shigjetuan sot opozitën se ka vetëm kritika ndaj Ministrisë së Brendshme. Por kritikat e mazhorancës, jo gjithmonë janë të vlefshme. Si të për rrëzuar gjithë akuzat e PS, një figurë e rëndësishme e LSI ka përgëzuar sot punën e Policisë së Shtetit, për aksionin e fundit ku u kap një bandë e rrezikshme kriminale.

“Operacion i shkëlqyer për kapjen e vrasësit të dyshuar: profesionalizëm dhe bashkëveprim shembullor mes policisë së Tiranës dhe prokurorisë! Përgëzime dhe të tjera suksese në zbatim të ligjit!”,- shkruan Luan Rama në një reagim në rrjetet sociale.

Një qëndrim i tillë i numrit dy të LSI, tregon se opozita nuk ka vetëm kritika ndaj forcave të rendit dhe se di të bëjë qartë dallimin mes zbatimit të ligjit dhe abuzimit. Aksioni i sotëm ishte nga ato raste ku Policia reagoi në kohë rekord për një ngjarje të rëndë kriminale.

Operacion i shkëlqyer për kapjen e vrasësit të dyshuar: profesionalizëm dhe bashkëveprim shembullor mes policisë së Tiranës dhe prokurorisë!
Përgëzime dhe të tjera suksese në zbatim të ligjit!

— Lr (@LuanRama9) February 2, 2018