Lulzim Basha e përjashtoi nga PD, reagon Albana Vokshi

Lulzim Basha e përjashtoi nga Partia Demokratike, reagon për herë të parë deputetja Albana Vokshi, e cila thotë se nuk mund të përjashtohet nga ata që s’kanë lidhje as me PD-në as me demokracinë.

Sipas saj, Basha është shkarkuar me 4446 vota të delegatëve legjitime të Kuvendit Kombëtar të PD.

“Nga PD nuk më përjashtojnë dot ata që nuk kanë lidhje me PD-në.
Nga PD nuk më përjashton dot një grup uzurpatorësh që PD-në e kanë mjet për pasurimin personal, ndaj e duan me çdo kusht. Ata nuk kanë lidhje as me demokratët as me demokracinë.
I vetmi organ legjitim në Partinë Demokratike, mandatuar nga Kuvendi Kombëtar i 11 dhjetor 2022, është Komisioni i Rithemelimit të PD në të cilin unë jam anëtare.
Lulzim Basha është shkarkuar me 4446 vota të delegatëve legjitim të Kuvendit Kombëtar të PD, vendim ky i ratifikuar në mënyrë unanime nga rreth 44 mijë anëtarë të PD në referendumin e dt 18 dhjetor 2022. Në demokraci sovrani vendos!”, deklaron Vokshi.