Mbështetës të Berishës te selia e PD: Lulzim Basha të dorëzojë logon e partisë

Mbështetës të ish-kryeministrit, demokratë nga njësia 8 në Tiranë, kanë tentuar të futen në selinë e Partisë Demokratike. Ata kanë kërkuar që të hapet gara për zgjedhje në PD.

Gjithashtu mësohet se ata kanë kërkuar që të zhvillojnë një mbledhje në kuadër të riorganizimit të partisë, por dyert e selisë kanë qenë të mbyllura.

“Jemi anëtarët e degës 8 të PD Tiranë. Kemi dëgjuar ish-kryetarin që i thoshte Bashës të mos jepte dorëheqjen se kishte mbështetjen e degës. Detyra e tij sot të japë dorëheqjen, të hapë rrugën për garën e zgjedhjeve në PD sipas standardit një anëtar një votë. Blofet dhe fasadat që po luhen sot në selinë e PD-së vetëm e dëmtojnë. Këta janë anëtarët e degës 8”, tha përfaqësuesi i tyre.