Meta në Ditën Botërore të shendetit mendor: Familja dhe komuniteti, rol për ekuilibrin mendor të një personi

Ilir Meta ka postuar sot në mëngjez mesazhin e mëposhtëm në profilin e tij në Facebook:

“Sot në Ditën Botërore të Shëndetit Mendor, dua të theksoj rolin e pazëvendësueshëm të familjes dhe komunitetit, për ekuilibrin mendor të një personi.
Duke iu bashkuar sloganit të OKB-së, “Të rinjtë dhe shëndeti mendor në një botë që ndryshon”, apeloj domosdoshmërinë për të parandaluar sëmundjet mendore, përmes një angazhimi edhe më të madh të mësuesve e prindërve për të mbështetur psikologjikisht të rinjtë dhe për t’i ndihmuar ata të përballojnë sfidat në shkollë dhe në jetë”- shkruan Presidenti.