Meta takon Erdogan: Marrëdhëniet e shkëlqyera mes dy vendeve kanë të ardhme premtuese

Presidenti Ilir Meta është takuar sot me Presidentin e Turqisë, Recep Tayyip Erdoğan në Sarajevë.

Në një postim në Facebook, pas takimit, kreu i shtetit shqiptar shprehet se marrëdhëniet mes dy vendeve kanë të ardhme premtuese.

“Kënaqësi të takoja sot në Sarajevë, Presidentin e Turqisë, z.Recep Tayyip Erdoğan. Marrëdhëniet tona të shkëlqyera tradicionale kanë një të ardhme mjaft premtuese.

Mirënjohës për peshën e jashtëzakonshme që Turqia mban për të mbrojtur Ballkanin dhe Europën nga emigracioni i paligjshëm”,- shkruan Presidenti Meta.