Nard Ndoka ironizon Ramën: Faktin e ke brenda shoku Edi …

Kreu i Partisë Demokristiane, Nard Ndoka, ka ironizuar deklarata e kryeministrit Edi Rama nëpër media dhe rrjete sociale, ku me forcë kërkon të mbrojë ish-minitrin e tij Saimir Tahiri, ndërsa kërkon fakte dhe prova për implikimin e tij për trafik droge.

Ndoka ka treguar një barcalet të vjetër që tregohej në kohën e diktaturës, ndërsa me ironi thekson se ashtu si personazhi në barcaletë, edhe Rama i ka brenda faktet.

Ja postimi i Ndokës:

Fakti është brenda!

Në kohën e Dullës, një familje oficerësh nga Tepelena jetonte në Shkodër. Burri kap gruan në flagrancë me sekretarin e partisë së lagjes. E padit në polici dhe paraqitet në gjykatë.

Gjykatësi e pyet: “Shoku Petrit, na trego rrethanat dhe provat”?

Petriti përgjigjet: “Shoku kryetar, shkova në shtëpi më herët se zakonisht dhe gjeta shokun Xhemal me gruan, në dhomën e gjumit, në krevat, të zhveshur..!

Gjygjtari pyet sërish: “Po mirë, po prova ku është, fakte dua, ku është fakti”?

Petriti mundohet të shpjegohet më qartë: “ishin lakuriq, shoku kryetar, shoku Xhemal ishte sipër”..!

Gjygjtari nuk bindej dhe këmbëngulte akoma: “Prova, fakti ku është”?!

Petriti: “Fakti ishte brenda shoku kryetar”!????

Morali: Edhe Rama, po kërkon prova e fakte për Sajen!

Faktin e ke brenda, shoku Edi!