Ndoka kujton 27 vjetorin e PD-së, me një foto të papublikuar

Deputeti i opozitës Nard Ndoka ka publikuar për herë të parë sot në 27 vjetorin e PD foton e rrallë ku shfaqet pikërisht ai duke mbajtur një fjalim në ditën e themelimit të kësaj strukture politike.

Bie në sy banderola që shkruan ”Rroftë Partia Demokratike” dhe stativi prej druri në mikrofonin ku po flet deputeti. Këtë detaj Ndoka e ka komentuar në statusin e tij në Facebook: ”27 vite më parë, ku mikrofoni vendosej në një stativ prej druri”, ka shkruar ai.

Ndoka aktualisht kryetar i Partisë Demokristiane ka qenë prezent ditën e sotme në celebrimet për 27 vjetorin e themelimit të partisë së parë të pluralizmit shqiptar.