“Në stadium 4934 delegatë”, Belind Këlliçi: 72 përfaqësues do të verifikojnë emrat e tyre

Belind Këlliçi, kryetari i Komisionit në Kuvendin e thirrur nga Sali Berisha, lexoi emrat e 72 përfaqësuesve të degëve që do të verifikojnë emrat e delegatëve demokratë të pranishëm në “Air Albania”.

Tabela elektronike e vendosur në Kuvend tregon se numri i delegatëve pjesëmarrës është 4934, ndërkohë që po bëhet verifikimi i tyre.

“Dua t’ju falënderoj përzemërsisht për pjesëmarrjen në këtë Kuvend që mishëron më së miri demokracinë funksionale në PD dhe nga sot jam i bindur do forcojmë institucionet e PD edhe më shumë. Partia Demokratike jam i bindur që nga sot do t’i hap të katra dyert.

Pa humbur kohë dua të nisim me procedurën standarde duke verifikuar ligjshmërinë e Kuvendit. Do verifikojmë numrin e kërkesave dhe nëse këto kërkesa janë bërë nga delegatët. Ky komision do ngarkojë 72 përfaqësues për të gjitha degët për të verifikuar emrat sipas degëve”, tha Këlliçi.