Ndryshime në qeveri/Olta Xhaçka ministre e Jashtme, Niko Peleshi ministër i Mbrojtjes

Kreu i qeverisë Edi Rama ka vendosur të bëjë ndryshime në kabinetin qeveritar.  Kryeministri Edi Rama ka emëruar ministre të Jashtme, Olta xhaçkën. Ndërsa në ministrinë e Mbrojtjes është emëruar Niko Peleshi. Nga detyra është larguar ministri i Jashtëm, Gent Cakaj.

“Pas një periudhe intensive pune në kryesimin e OSBE si edhe punës së madhe me përkushtim e profesionalizëm të Gent Cakajt si ministër në detyrë, ky është momenti për t’ia kaluar bashkarisht stafetën Olta Xhaçkës që të kryejë detyrën e ministres për Europën dhe Punët e Jashtme.

Dua ta falenderoj me mirënjohje Gentin jo vetëm për dinjitetin në kryerjen e detyrës së derisotme, po edhe për gatishmërinë e plotë për të vijuar përpjekjen e përbashkët, duke u rikthyer në kabinetin e kryeministrit. Ndërkohë Niko Peleshi do të drejtojë ministrinë e mbrojtjes”, – shkruan Edi Rama në një postim ne Facebook.