Padia për rrugët. Xhika e Toma dalin para Gjykatës së Elbasanit

Politikë E Shtunë, 24 Korrik 2021 03:29

Dashamir Xhika dhe Andi Toma, të arrestuar dy ditë më parë me akuzën e shpërdorimit të detyrës, kanë dalë sot përpara Gjykatës së Elbasanit për t’u njohur me masën e sigurisë.

Gjykata e Elbasanit ka nisur seancën në ngarkim të Xhikës, ish-zyrtar i lartë i LSI-së (kandidoi për deputet në Elbasan) dhe Andi Tomës ish-zyrtar i lartë i PD. I pranishëm gjatë kësaj seance është edhe ish-ministri i Transporteve, deputet i LSI në Qarkun e Elbasanit, Edmond Haxhinasto.

Prokuroria e Elbasanit urdhëroi arrestimin e ish-drejtorit të Përgjithshëm të rrugëve Dashamir Xhika, pas abuzimeve që janë konstatuar në procedurat tenderuese dhe mbikëqyrëse në ndërtimin e rrugës Elbasan-Gjinar, duke i shkaktuar buxhetit të shtetit një dëm prej 500 milionë lekë. Procedurat për ndërtimin e kësaj rruge kanë nisur që në vitin 2009 kur në krye të Drejtorisë së Rrugëve ishte Andi Toma.