Panariti i Përgjigjet Braçes, kontratat e tokave në përputhje me ligjin

Ish ministri i Bujqësisë Edmond Panariti i ktheu pergjigje kreut të komisionit të ekonomisë Erion Braçe për akuzat për qiratë e tokave qe sipas deputetit të PS janë të dyshimta.

Ish ministri thatë në reagimin e tij: Nuk jam marrë, nuk merrem dhe nuk do të merrem kurrë me biografi, partishmeri dhe kritere klasore në zbatimin e ligjit. Kontratat e qiradhënies së tokave janë plotesisht në përputhje me ligjin, të hapura ndaj çdo kontrolli dhe verifikimi.

Dua vetëm të kujtoj se kontrata e qiradhenies qe u tund sot publikisht ne parlament me akuza, sajesa dhe shpifje, eshte dhene me Vendim te Këshillit te Ministrave dhe është kaluar per ekzekutim nga Ministria e Arsimit te Ministria e Bujqësisë.

Sa për tradhëti, besoj se nuk ka tradhëti më të madhe se të pengosh me votë bllokuese, prokurorinë në kërkesen e saj drejtuar parlamentit, për të hetuar funksionare te lartë te dyshuar per trafiqe.