Patozi: I dashur timonier, gjej një shteg të dalësh nga pylli

Fishkëllima e të rinjëve ndaj kryeministrit Edi Rama dje në Shkodër, për ish-deputetin e PD-së, Astrit Patozi nuk është as më pak e as më shumë sesa një thirrje ndaj Ramës për të gjetur një shteg për të dalë nga pylli.

Në një postim në rrjetin social facebook, Patozi me ironi e këshillon kreun e qeverisë Rama, duke i kujtuar edhe këngën që ministri Buashati interpretoi mbrëmë, që pranvera filloi me ardhë, dhe bylbyli nis me knu.

”Kur të fillojë ajo lloj muzike, mos u mundo kot t’u tregosh bilbilave ku janë pemët, por përpiqu të gjesh një shteg për të dalë vetë nga pylli. Se i bie se ka nisur që për ty të këndohet ajo kënga, që kishte interpretuar mbrëmë jo keq Ditmir Bushati “Pranvera filloi me ardhë, dhe bylbyli nis me knu…”,-shkruan ish-deputeti Astrit Patozi.

Statusi i plotë

Kërkoj ndjesë që e mora vesh me vonesë lajmin për fishkëllimat e djeshme në Pallatin e Sportit. Më falet, gjithësesi, dhe jam i justifikuar në një farë mënyre, se kam qenë i zënë me festimet e Ditës së Rinisë.

Por tani, që e pashë, një këshillë po ta jap. Kur të fillojë ajo lloj muzike, mos u mundo kot t’u tregosh bilbilave ku janë pemët, por përpiqu të gjesh një shteg për të dalë vetë nga pylli.

Se i bie se ka nisur që për ty të këndohet ajo kënga, që kishte interpretuar mbrëmë jo keq Ditmir Bushati “Pranvera filloi me ardhë, dhe bylbyli nis me knu…”