PD dhe LSI kundër sjelljes së ministrit të jashtëm
Deputetët e LSI-së në Komisionin e Integrimit kanë ndarë të njëjtin shqetësim me kolegët e tyre demokratë lidhur me paraqitjen “rrugaçërore” sipas tyre, të ministrit Ditmir Bushati, thirrur në dëgjesë.
Ata kërkojnë marrjen e masës disiplinore ndaj Bushatit.
Ministri përdori epitet fyer ndaj drejtuesit të komisionit, Genc Pollo, duke e quajtur “Salikuq”.
DEKLARATË
Ne, anëtarët e Komisionit të Integrimit Europian, tëskandalizuar nga sjellja dhe gjuha rrugaçërore e zotit DitmirBushati, Ministër për EPJ gjatë dëgjesës së tij para Komisionit, sot, e martë, 17 tetor 2017, shprehemi si me poshte vijon:
Pas një fjalimi tërësisht të politizuar dhe në mënyrë tëpaprovokuar, Bushati në mungesë të argumentave dhe sipasojë e dështimit të axhendës integruese, në mbrojtje tëvetvetes zgjodhi të ofendojë personalisht kryetarin e komisionit, z.Genc Pollo, dhe vijoi të përgojonte dhe deputetëtë tjerë të opozitës .
Ne, anëtarët e Komisioinit për Integrimin Europian, e dënojmë këtë akt jo vetëm si shprehje të sjelljes personale,por edhe institucionale të Ditmir Bushatit.
Ky akt është i papranueshëm dhe i dënueshëm. Ne, anëtarët e Komisionit refuzojmë të pranojmë nga Bushati apoçdo person tjetër i thirrur në dëgjesë, përfshi dhe anëtarët e qeverisë një sjellje të tillë, e cila nuk do të tolerohet më nëKomisionin tonë.
Ne do ndjekim procedurat e Rregullores së Kuvendit qëtë merret masë disiplinore ndaj deputetit Bushati.
Kejdi Mehmetaj
Aldo Bumçi
Grida Duma
Vangjel Dule
Jorida Tabaku
Viktor Tushaj
Genc Pollo
/gazeta express
KOHA JONË SONDAZH
