PD-ja hedh hapin e fundit: kërkon dorëheqjen e Ruçit

Partia Demokratike ka kërkuar ditën e sotme dorëheqjen e kreut të Kuvendit, Gramoz Ruçi. Kërkesa është bërë nga kreu i grupit parlamentar Edmond Spaho, në mbledhjen e Burosë së Kuvendit, e para pas seancës së 18 dhjetorit ku u zgjodh kryeprokurorja e Përkohshme..

Sipas tij, ‘më 18 Dhjetor u krye puç kushtetues, i urdhëruar nga Edi Rama, por i zbatuar nga Ruçi’.

‘Kryeprokurori duhej te zgjidhej me 3/5, i propozuar nga KLP dhe me vetting. U emërua me 69 vota, nga PS dhe pa vetting’, ka thënë kreu i grupit parlamentar të PD-së.

‘Qëllimi i emerimit antikushtetues i Kryeprokurorit për të mbrojtur Saimir Tahirin nga akuza e trafikut ndërkombetar të drogës, Vangjush Dakon nga përgjimet e shërbimeve të huaja  për blerjen e votës nga kriminelet në këmbim të tenderave, Qazim Sejdinin për lidhjet me krimin e organizuat, pastrimin e parave dhe blerjen e zgjedhjeve’, ka thënë Spaho në mbledhjen e byrosë së Kuvendit.

‘Dorëheqja e Ruçit është hapi i parë i kthimit të normalitetit në parlament’, është shprehur Edmond Spaho gjatë mbledhjes së Byrosë së Kuvendit.