Përfaqësuesi i Presidentit në Kushtetuese: Duam 48 orë për përgjigjet, do të konsultohemi me Metën

Pas pyetjeve të parashtruara nga gjyqtarët e Gjykatës Kushtetuese, këshilltari ligjor i Presidentit, Bledar Dervishaj ka kërkuar 48 orë kohë për t’u përgjigjur mbi 70 pyetjet, sepse do të konsultohen me kreun e shtetit.

Nga ana tjetër deputetja e PS, Klotilda Bushka ka deklaruar: “Dy orë janë të mjaftueshme, sepse edhe ne aq na u desh”.

Përfaqësuesi i Presidentit iu përgjigj me argumentin “nuk është kërkesë për shkarkimin e Kuvendit”. Tashmë gjykata është tërhequr për një vendim të ndërmjetëm për të përcaktuar sa kohë do t’i japin presidentit për t’u përgjigjur.