Përfaqësuesi i qeverisë gjermane: Vetingu në politikë është shumë i rëndësishëm

Nënkryetarët e Partisë Demokratike Edi Paloka dhe Edmond Spaho u takuan sot me Sekretarin e Shtetit në Ministrinë e Brendshme Federale të Gjermanise, Stephan Mayer.

Në komentin që i bëri takimit, nënkryetari Paloka tha se përfaqësuesi i qeverisë gjermane vlerësoi vetingun në politikë si shumë të rëndësishëm.​

“Sot në selinë e PD bashkë me z. Spaho zhvilluam një takim me z. Stephan Mayer, deputet në Bundestag dhe Sekretar Shteti në Ministrinë e Brendshme Federale të Gjermanisë. Lidhur me kërkesën e opozitës për Veting të politikanëve z. Mayer u shpreh qartë: “Vetingu në politikë është shumë i rëndësishëm, kështu merr kuptim dhe vetingu në organet e drejtesisë…”,- deklaroi Paloka.