Përgjimet e reja në Maqedoni. Zaev kapet duket kontrolluar gjithë drejtësinë

Deputeti i VMRO-DPMNE-së, Antonio Milloshovski, në një konferencë për shtyp, ka publikuar sot një audio-inçizim, në të cilën pretendon se ish-kryeministri Zoran Zaev, bisedon për vendime të Gjykatës Supreme në Maqedoninë e Veriut.

Sipas Milloshoskit, Zaevi në mënyrë direkte është përzier në vendimet e gjyqësorit.
Ai gjithashtu ka thënë se ish-prokurorja Katica Janeva ka qenë e lidhur ngushtë me liderin e LSDM-së, dhe se pa ndihmën e tij nuk do të kishte qenë e mundur “Zhvatja”, njofton Alsat-M.

“Zaev nëpërmjet këtij incizimi dëshmon se nuk ka qenë vetëm kryeministër, por edhe prokuror dhe prokuror special”, ka thënë Antonio Milloshoski.