Polonia avokate e Ramës: Negociatat brenda 2018!

Pas takimeve në Bruksel, Kryeministri Edi Rama ndodhet në Poloni, aty ku është pritur nga Kryeministrja e Polonisë, Beata Swydlo e cila tha se vendi i saj do të jetë avokat për integrimin e Shqipërisë.

Gjatë një konferencë për shtyp me kryeministrin shqiptar, Edi Rama, ajo deklaroi se negociatat hapen brenda vitit 2018.

“Kam shpresën se Komisioni Europian do të njohë progresin e bërë nga Shqipëria, duke përcaktuar një datë të qartë të fillimit të negociatave në 2018”, tha kryeministrja polake, Beata Swydlo.

Ky takim në Varshavë vjen në vijim të vizitës dy-ditore në Bruksel, ku Rama u takua me krerët më të lartë të BE-së, përfshirë Presidentin Tusk, kryetarin e Komisionit Europian, Juncker, kryetarin e Kuvendit, Tajani dhe kryediplomaten Mogherini.