Poshtërsia e fundit e ministres së Kulturës

Ministrja e Kulturës, Mirela Kumbaro para se të largohej nga posti ka firmosur dhe për një emërim të fundit. Drejtori i Teatrit Kombëtar Eksperimental nuk do të jetë Kiço Londo, por Jonida Beqo, aktualisht drejtore e Teatrit ‘Metropol’. Largimi i Londos mund të thuhet se mbetet një gjë jo e drejtë, pasi Kiço Londo është një profesionistë.

Kiço Londo ishte në konkurs përballë Jonida Beqos. Prej të dyve, Beqo është zgjedhur si fituese e këtij posti.

Diferenca mes tyre është se Beqo ka dalë pro prishjes së Teatrit Kombëtar, ndërsa Kiço London kundër.

Në një një reagim të disa ditëve më parë, Aleanca për Mbrojtjen e Teatrit mbështeti kandidaturën e Londos dhe doli hapur kundër kandidaturës së Beqos.

Aleanca theksonte edhe punën që ka bërë Londo në drejtimin e Teatrit, ku në vetëm 3% buxhet të akorduar nga Ministria për teatrin, TKE që ai drejton prodhon 60% të shfaqjeve teatrore.

E megjithatë, duket se tashmë zgjedhja është bërë