Presidenti i KE: Shqipëria i ka plotësuar të gjitha kushtet për çeljen e negociatave me BE-në

Presidenti i Këshillit Europian, Charles Michel, ka deklaruar në konferencën e përbashkët me Kryeministrin Rama se Shqipëria i ka përmbushur të gjitha kushtet për çeljen e negociatave për anëtarësim në BE.

“Faleminderit për mikpritjen është kënaqësi të kthehem këtu. Kanë ndryshuar shumë gjëra nga vizita e fundit por një gjë nuk do të ndryshojë kurrë, angazhimi ynë i plotë për integrimin e Shqipërisë në BE. Ju falenderoj për mbështetjen në arenën globale për Ukrainën. Ju keni qenë një partner i besueshëm i KE për në. Shqipëria është pjesë e familjes Evropiane dhe ne duhet ti japim energji të reja integrimit të Shqipërisë në BE. Po punojmë të japim rezultate të prekshme dhe po bëjmë përshpejtimin e integrimit. Në qershor do të kemi një takim, Shqipëria i ka përmbushur të gjitha kushtet për çeljen e negociatave për anëtarësim“, tha Charles Michel.