Presidenti i KE viziton Shqipërinë në mars

Presidenti i Komisionit Evropian, Zhan-Klod Junker, pritet të vizitojë kryeqytet e Ballkanit Perëndimor, në kuadër të përpjekjeve për të frenuar ndikimin rus dhe kinez në rajon.

“Euobserver” raporton se udhëtimi i tij nis në 26 mars dhe përfundon më 1 maj, nga Beogradi, në Podgoricë, Sarajevë, Shkup, Tiranë dhe për të përfunduar në Sofje, pasi Bullgaria mban këtë vit presidencën e BE-së.

“Euobservër” është një organizatë mediatike jo fitimprurëse që publikon lajme, analiza dhe investigime rreth Brukselit dhe vendeve anëtare.

Komisioni Evropian pritet të paraqesë sot Strategjinë për Zgjerimin me vendet e Ballkanit Perëndimor. “Zëri i Amerikës”, seksioni në gjuhën boshnjake, jep lajmin e keq për shqiptarët. Shqipëria dhe Maqedonia do të çelin bisedimet e pranimit në 2019-n, ndërsa Mali i Zi dhe Serbia do të bëhen pjesë e BE-së deri në fund të vitit 2025.