Presidenti Meta në SHBA: Mirënjohës për Senatorin McCain

Gjatë vizitës në SHBA, ku Presidenti i Republikës Ilir Meta po zhvillon takime të shumta ai ka vizituar edhe McCain Institute dhe ka takuar drejtorin ekzekutiv, Ambasador Kurt Volker.

Meta thekson se ka shprehur gjatë takimit mirënjohje për senatorin John McCain, në veçanti për kontributin e tij për lirinë e pavarësinë e Kosovës dhe anëtarësimin e Shqipërisë në NATO. 

“I nderuar të vizitoja McCain Institute dhe të takoja drejtorin ekzekutiv, Ambasador Kurt Volker. Mirënjohës për Senatorin John McCain, në veçanti për kontributin e tij për lirinë e pavarësinë e Kosovës dhe anëtarësimin e Shqipërisë në NATO”- shkruan Meta në faqen e tij në Facebook.