Presidenti Meta takon ministrin e Jashtëm italian: Italia, një partner strategjik i Shqipërisë

Presidenti Ilir Meta ka takuar Ministrin e Jashtëm të Italisë, Luigi Di Maio.

Në një postim në Facebook, Presidenti Meta shkruan: 

Një takim i ngrohtë në Romë me Ministrin e Punëve të Jashtme të Italisë, Luigi Di Maio, në punimet e Konferencës Ndërkombëtare “Rrugë të reja për t’u përkujdesuar – Bota pas Pandemisë së COVID-19″.
Italia është një partner strategjik i Shqipërisë, me rol proaktiv në mbështetje të perspektivës tonë europiane, marrëdhëniet e shkëlqyera tradicionale me të cilën meritojnë të fuqizohen më tej, në të gjitha fushat.
Komuniteti arbëresh dhe emigracioni shqiptar në Itali, urë e rëndësishme për thellimin e bashkëpunimit mes dy vendeve.