Presidenti Meta takon Vlahutin: Dokumenti i BE të lexohet me vëmendje nga faktorët politikë

Presidenti i Republikës, Ilir Meta priti në një takim Ambasadoren e Delegacionit të BE-së në Tiranë, Romana Vlahuti.

Ambasadorja Vlahutin i dorëzoi Presidentit Meta Strategjinë e re të Komisionit Europian, “Një perspektivë e besueshme zgjerimi dhe një angazhim i thelluar i BE-së në Ballkanin Perëndimor”, -si dhe Planin e Veprimit në mbështetje të transformimit të Ballkanit Perëndimor.

Presidenti Meta vlerësoi synimin për të pasur një angazhim gjithnjë e më madh si nga vendet e rajonit ashtu edhe nga Bashkimi Evropian në proceset transformuese drejt anëtarësimit të plotë të të gjitha vendeve të Ballkanit Perëndimor në Bashkimin Europian.

Presidenti Meta nënvizoi se Strategjia e re e Komisionit Evropian është një dokument që duhet të lexohen me vëmendje nga faktorët politikë shqiptarë për t’u pasqyruar në përpjekjet dhe angazhimet e tyre drejt synimit të përbashkët të integrimit të plotë të Shqipërisë në Bashkimit Evropian.