Presidenti: Tirana nuk duhet të zëvendësojë Kosovën në dialogun me Serbinë

Në intervistën e dhënë për emisionin “Pesë pyetje nga Babaramo”, Presidenti Ilir Meta ka komentuar dhe zhvillimet në Kosovë.

Lidhur me rolin e Tiranës në dialogun Kosovë-Serbi, Presidentit ishte i qartë kur tha se përgjegjës për këtë dialog janë institucionet e Prishtinës dhe qeveria e Kosovës.

I pyetur se si e sheh garën e Ramës me Thaçin për dialogun me presidentin serb, Aleksandër Vuçiç, Presidentit tha se “përgjegjës për dialogun me Serbinë janë institucionet e Kosovës. Ato s’mund të zëvendësohen nga Tirana dhe as ka vend për paternalizëm”,- tha Presidentit Meta

Kreu i shtetit ka komentuar dhe marrëdhëniet me Greqinë. Meta u shpreh optimist për një marrëveshje pozitive mes dy vendeve.

Ai tha se Kryeministri grek, “Cipras ka një energji tepër pozitive për zgjidhje historike”.