Prokuroria i çon letër Tahirit: Paraqitu!

Pas kontrollit të ushtruar në banesën e ish-ministrit Tahiri, Prokuroria për Krimet e Rënda i ka dërguar një letër deputetit. Është thirrja për t’u paraqitur në zyrat e këtij institucioni të dëshmojë në kuadër të hetimeve për implikim në trafik droge. Kërkesa është firmosur nga prokurori Besim Hajdarmataj, i cili javën e kaluar kishte kërkuar autorizim nga parlamenti për arrestimin e ish-ministrit të Brendshëm.

Ftesa vjen një ditë pasi 4 oficerë të Policisë Gjyqësore kontrolluan shtëpinë e Tahirit në Tiranë, nga ku mësohet se nuk gjetën asgjë të vlefshme për hetimin.