Protesta e opozitës, Berisha sonte në ‘Zonë e Lirë’

Ish-kryeministri Sali Berisha rikthehet sonte në mbrëmje në Tv Klan. Ai do të jetë i ftuar në emisionin ‘Zonë e Lirë’ të gazetarit Arjan Çani. Dalja e tij në ekran sonte në mbrëmje vjen një ditë para protestës së opozitës. Nesër në 12:00 opozita do të protestojë përpara Kryeministrisë kundër qeverisë ‘Rama 2’. Pjesëmarrja në protestë pritet të jetë e lartë duke u nisur edhe nga fakti se tashmë janë bashkë në një front disa parti opozitare, ku dy më kryesoret janë PD dhe LSI. Zyrtarisht Policia e Shtetit ka dhënë 4 orë leje për zhvillimin e kësaj proteste.