Rama ”arratiset” në Vlorë, kërkon të takojë studentët

Kryeministri Edi Rama do të jetë në Vlorë, pasi në Tiranë prej 15 ditësh studentët nuk pranojnë të dialogojnë. Rama ka vendosur që diskutimin me studentët ta bëjë në Vlorë në Universitetin “Ismail Qemali”.

Prej dy ditësh kreu i qeverisë ka nisur atë që ai e quan dialog me studentët, ndërkohë që shumica prej tyre nuk pranojnë diskutim me kryeministrin por kërkojnë vetëm plotësimin e 8 pikave.

Ditën e djeshme, Rama zhvilloi një bashkëbisedim me studentët e Universitetit Bujqësor të Tiranës, ku këta të fundit ia thanë në sy shqetësimet kryeministrit. Po dje, Rama njoftoi se duke filluar nga janari studentët e ciklit Bachelor do të paguajnë 50 % më pak tarifë studimi.