Rama denoncon: Vilë 3-katëshe dhe ndihmë ekonomike!

Kryeministri Edi Rama ka vijuar edhe mbrëmjen e sotme me denoncimin e rasteve abuzime me skemën e ndihmës ekonomike. Përmes një postimi në rrjetin social “Facebook”, kreu i Qeverisë sjell rastin e një familje në Malësinë e Madhe, e cila ndonëse banonte në një vilë trekatëshe, trajtohej me ndihmë ekonomike.

Sakaq, ai sjell edhe rastin e një familje e cila është përshfshirë aktualisht në këtë skemë, për të përfituar ndihmë ekonomike.

“Lart vila 3 katëshe e F.P në Malësinë e Madhe që deri dje merrte çdo muaj ndihmë ekonomike dhe poshtë shtëpia e A.H po në Malësinë e Madhe që nuk përfitonte ndihmë ekonomike. Me skemën e re, F.P është përjashtuar dhe A.H është përfshirë në skemë.

Fotot tregojnë qartë se cila nga këto dy familje është në nevojë.

Ndërkohë që po kryhen të gjitha verifikimet e nevojshme për të rivlerësuar çdo familje të hyrë apo të dalë nga skema e ndihmës ekonomike, bashkive u është dyfishuar fondi, nga 3% në 6%, për të përfshirë në skemë familjet realisht në nevojë dhe që nuk përfitojnë nga skema kombëtare”, shkruan kryeministri Rama.

https://www.facebook.com/edirama.al/posts/10155600137531523