Rama mbledhje urgjente me ministra dhe drejtorë, zbulohet çfarë do diskutohet

Kryeministri Edi Rama do të mbledh ditën e sotme qeverinë si dhe disa drejtorë institucionesh. ‘BalkanWeb’ raporton se takimi ku do të jetë i pranishëm kreu i Ekzekutivit do të mbahet në Pallatin e Brigadave.

Bëhet e ditur se në këtë takim, që do të nisë në orën 14:30 do të bëhet një analizë mbi qeverisjen dhe punën e institucioneve deri më tani, ku secili do të ndalet mbi sektorë përkatës. Ndërkohë, ministrat do të raportojnë për ecurinë e dikastereve.

Kujtojmë se javën e kaluar, pikërisht ditën e premte Rama bashkë me kabinetin e tij qeveritar udhëtoi drejt Lezhës, ku u mbajt mbledhja e parë e qeverisë për këtë vit, ndërsa u fol edhe për 100 ditët e para të qeverisjes për këtë mandat të dytë.