Rama nuk pranon debat televiziv me Lulzim Bashën

Kryeministri Edi Rama ka mohuar mundësinë për t’u ballafaquar përballë me kreun e opozitës, Lulzim Basha.

I ftuar në ‘opinion’, Rama thotë se ka një problem pse nuk pranon të debatojë me Bashën, pasi sipas tij, ai nuk është lideri real.

“Ka një problem sepse unë konsideroj që Basha është një kukull e vënë përpara nga ata që janë realisht udhëheqësit e kësaj shporte karavidhesh që quhet opozitë, Saliu, Meta dhe Mona.

Ai përdoret si dhëndër për një dasmë imagjinare. Nuk kam përballë liderin real të atij konglomerati”, tha Rama.