Kryeministri Rama, poston “Foto e Ditës” dhe ruhet prej mizave në Kozarë

Kryeministri Edi Rama ka qenë sot në Kozarë të Beratit, ku ka drekuar me një familje fermere dhe ka dëgjuar shqetësimet e zonës lidhur me bujqësinë dhe blektorinë.

Shefi i qeverisë, siç duket nuk i ka rezistuar dot kureshtjes për të hyrë edhe brenda një sere ku stafi i tij e ka fotografuar duke parë zarzavatet. Këtë imazh e ka cilësuar si ”Photo of the day” (fotoja e ditës).

Ky imazh ka ngjallur mjaft reagime në rrjetin social Facebook ku qytetarët nuk kanë lënë rastin pa e thumbuar.

Ai e ka kaluar drekën sot në një familje fermerë në Kozarë të Beratit, ku si gjithmonë në bisedë me banorët nuk kanë munguar batutat edhe për politikën e madhe.

“Ja tani që na shohin tek ERTV do thonë vajti atje. Ata të shkretët nuk kanë të hanë. Kanë mbledhur ça kishte fshati për t’i dhënë ty. Ça të them unë. Zonjave ju shërbej vetë, ju i shërbeni kujt të doni. Këtë e kam zakonin tim. Burrat ndaç të mos hanë fare, nuk na intereson”, – tha Rama.

E ndërsa zonja e shtëpisë është vënë në siklet për të ‘përzënë’ një mizë që vinte rrotull, kryeministri është përgjigjur: “Sa miza e sa grenxa duroj unë”.

https://www.facebook.com/edirama.al/videos/10155593555041523/