Rama uron “mirëmëngjes” me këto foto

Kryeministri Edi Rama është rikthyer edhe një herë tek përmbytjet e një jave më parë. Në statusin e tij të mëngjesit, këtë të dielë, kreu i qeverisë ka postuar në Facebook foto të ndihmës që ofroi Kosova për ditët e vështira. Në foto duken mjete të ofruara nga ushtria e Kosovës për të bërë të mundur shpëtimin e njerëzve në rrezik.

“Mirëmëngjes, dhe me këto pamje të solidaritetit nga Kosova në mbështetje të zonave të përmbytura ju uroj një ditë mbarë,” shkruan Rama në Facebook.

Kryeministri e konsideroi operacionin e Forcave të Armatosura gjatë përmbytjeve të suksesshëm, duke marrë parasysh faktin që nuk pati asnjë jetë të humbur.