Refugjatët, Rama: Samiti i BE shpoi tullumbacen e lajmit të rremë

Për debatin që ka ndezur politikën, ajo e 600 mijë refugjatëve që mund të vijnë në Shqipëri, kryeministri Edi Rama ka reaguar sërisht në Twitter.

Duke marrë në bazë diskutimet në Samitin e BE-së për krizën e refugjatëve, Rama thotë se diskutimi atje shpoi tullumbacen gjigande të lajmit të rremë për kampin në Shqipëri.

Duke e cilësuar lajmin e ardhjes së refugjatëve në Shqipëri si të prodhuar nga esadistët e rinj, Rama shton se s’ka lidhje me planet e BE-së për refugjatët.

”Ky lajm i prodhuar dhe propaganduar nga esadistët e rinj të Shqipërisë në politikë e media,s’ka asnjë lidhje me planet e BE për refugjatët. Mos t’ua harrojmë këtë turp”,-shkruan Rama në Twitter.

Dje Samiti i BE për krizën e refugjatëve shpoi tullumbacen gjigande të Lajmit të Rremë pêr Kampin në Shqipëri!Ky lajm i prodhuar dhe propaganduar nga esadistët e rinj të Shqipërisë në politikë e media,s’ka asnjë lidhje me planet e BE për refugjatët.Mos t’ua harrojmë këtë turp🙏

— Edi Rama (@ediramaal) June 25, 2018