Replika mes Ramës e deputetes PS Hafizi për plehrat

Në punimet e sotme plenare është shënuar dhe një përplasje mes socialistëve lidhur me ligjin e qeverisë për importin e plehrave në vend. Replika mes deputetes socialiste Mimoza Hafizi dhe kryeministrit Edi Rama në kuvend.

Hafizi: U ngrita të replikoj shifrat që kryeministri dha për të justifikua rimportin e mbetjen në vitin 2016. Mu duk argument absurd, le ta gjykojë gjithësecili. Ai tha që në 2013 janë ricikluar 10% e mbetjeve të vendit dhe kemi pasur këtë biznes riciklimi. Kurse në 2016 ka shkuar në 17-18%. Pra normalisht burimet e lëndëve të para për këtë biznes janë dyfishuar. Dhe burimet janë dyfishuar, ndërkohë që ne lejojmë importin. Kur burimet e lëndëve të para ishin gjysma ne nuk e lejuam importin. Nëse ka njeri që e kupton këtë argument, një njeri që di të numërojë nga 1 te 20 unë i kërkoj ndjesë, por unë realisht nuk e kuptoj.

Edi Rama: “Po ia shpjegoj deputetes që të ndihet njeri” tha Rama duke mbrojtur ligjin sipas të cilit industria e riciklimit është ekonomi e gjelbër.

“Pse importojnë kompanitë suedeze mbetje, apo ato francezet? Sepse janë lëndë e parë, është zinxhir ekonomik, nuk është mbetje që i ngeli dikujt tjetër dhe ta lë ty. Janë lëndë të para që tregtohen në bursë”