Sali Berisha: Nuk ka dy PD, por vetëm një

Në një deklaratë para mediave, ish-kryeministri Sali Berisha ka thënë se Bashizmi, ishte një doktrinë që u arkivua me dorëheqjen e Lulzim Bashës.

Më tej, Berisha tha se nuk ka dy PD, por vetëm një.

“Së pari dua të garantoj demokratët në të gjitha nivelet nga anëtar i thjesht te deputetë e me radhë se PD është e hapur dhe vullnet plotë për të diskutuar dhe debatuar me çdo anëtar të saj cilido qoftë ai. Jemi të hapur të bëjmë gjithçka për garantimin e votës së lirë dhe bashkimin rreth votës së lirë.

Nëse nuk bëhet më fjalë për një kryesi të shkarkuar më 11 Dhjetor, kjo nuk do të thotë se fjala e demokratëve cilido qoftë ai nuk dëgjohet. Fola për 11 Dhjetorin por sanksionimin më të plotë 11 Dhjetori e mori me datë 6 mars. Ajo që unë dua të theksoj dhe siguroj është se PD ka institucionin e saj tashmë operativ dhe të plotë dhe ky është grupi parlamentar të dalë nga Kuvendi i 11 Dhjetorit.

Por unë gjykoj se brenda grupit parlamentar mund të zhvillohet çdo debat, mund të diskutohet për çdo gjë. Sikundër dua të theksoj dhe ftoj miqtë e mi të mos harrojmë se Bashizmi ishte doktrinë e dhunimit të statutit, institucioneve dhe parimeve të partisë. Ai u arkivua bashkë me dorëheqjen e Lulzim Bashës. Askush nuk mund të mendojë të paraqesë sikur ekzistojnë dy parti demokratike. Ekziston vetëm një dhe vetëm parti demokratike”, tha Berisha.